खास होम टिप्स

बरेचदा सेलोटेपचे टोक हातात सापडत नाही. अशा वेळी टेपचे बंडल फ्रीजमध्ये ठेवावे. म्हणजे त्याचे टोक सुटून वेगळे होते.

फ्लॉवरपॉटमध्ये फुले ठेवल्यानंतर पाण्यामध्ये अमोनियाचे काही थेंब टाकावे. यामुळे पाणी खराब होत नाही आणि फुलेही बराच काळ चांगली राहतात.

लाकडी शोभेच्या वस्तूंवर अधूनमधून खोबर्‍याचे तेलात बुडवलेला बोळा फिरवल्यास पुन्हा नव्यासारख्या दिसतात.

घरात अँल्युमिनियमचा पोळपाट असेल तर पोळ्या करताना सरकतो. अशा वेळी खाली ओला कपडा घातल्यास पोळपाट सरकत नाही आणि काम सोपं होतं.

भिंतीमध्ये खिळा ठोकायचा असल्यास तो गरम पाण्यात बुडवून ठेवावा. यामुळे ठोकताना सिमेंट पडत नाही आणि खिळा भिंतीत आतपर्यंत पोहोचतो

स्कीन टॅन झालीय, डोंट वरी!

प्लॅन केल्याप्रमाणे उन्हाळ्यातील सगळी मौजमजा, घुमनाफिरना झालं असेल नाही का? आणि आ‍ता तिकडून परत आल्यानंतर तिकडच्या मजा मस्तीचे फोटो पाहताना लक्षात येतं, अरे, आपण चांगलेच काळवंडलोय. उन्हात मनसोक्त भटकताना, पाण्यात खेळताना त्वचेकडे आपलं लक्षच गेलेलं नाहीय. स्कीन टॅन झालीय, पण डोंट वरी. तुमच्यासाठीच या काही खास टॅनिंग टिप्स.

1. खूप पाणी प्या. काकडीचा, कलिंगडाचा ज्यूस प्या. काकडीच्या स्लाइस डोळ्यांवर ठेवा.

2. गार दुधात कापसू बुडवून डोळ्यांवर ठेवा.

3. टॅन झालेल्या त्वचेच्या भागावर कोरफडीचा रस लावणं केव्हाही चांगलंच.

4. खायच्या डोशाचं पीठ टॅन झालेल्या भागावर लावा. ते सुकेपर्यंत ठेवा आणि मग धुवून टाका. त्वचा उजळेल.

5. कच्च्या दुधात बेसन व लिंबाचे थेंब टाकून हे मिश्रण त्वचेवर लावा. 15 मिनिटं ठेवून धुवून टाका. सतत 4 आठवडे असं केल्यास चांगला परिणाम दिसेल.

6. 1 चमचा दूध पावडर, 1 चमचा मध, 1 चमचा लिंबाचा रस आणि अर्धा चमचा बदामाचं तेल एकत्र करा. त्वचेवर लावून 15 मिनिटं ठेवून धुवून टाका. काळपटपणा जाऊन त्वचा चमकदार होईल. शिवाय मऊपणाही राहील. 

काळ्या ओठांना करा मऊ, मुलायम आणि गुलाबी,

 

काळ्या ओठांना करा मऊ, मुलायम आणि गुलाबी, या आहेत घरगुती TIPS

चेहऱ्याचे सौंदर्य वाढवायचे असेल तर ओठांकडे लक्ष द्यायला हवे. ओठ आकर्षक असतील तर चेहरा फार नाजूक आणि साजेसा दिसतो.

ओठांचा रंग गुलाबी असेल तर ते आकर्षक दिसतात. जर तुमच्या ओठांचा रंग काळा असेल आणि त्यांना मऊ बनवायचे असल्यास तुम्ही काही घरगुती उपाय करू शकता. याचे कुठल्याही प्रकारचे साइड इफेक्ट नाहीत.

गुलाबी होठांसाठी TIPS

1- सर्वात आधी स्वस्त लिपस्टिक लावणे बंद करा. जर लिपस्टिकची क्वालिटी चांगली असेल तर तुमचे होठ काळे पडण्याची शक्यता असते. मऊ आणि चांगल्या होठांसाठी मॉइश्चराइज़र रिच लिपस्टिक चांगली असते.

2- बदामाचे तेल लावा

रात्री झोपण्यापूर्वी बदामाचे तेल होठांवर लावावे.

3- लिप बामचा करा वापर

कोरड्या होटांची काळजी वेळेवर न घेतल्याने देखील ते काळे पडण्याची शक्यता असते. पर्समध्ये नेहमी लिप बाम ठेवा. जेव्हा तुमचे होठ कोरडे पडले आहे असे वाटेल त्यावेळी लगेच तुम्ही याचा वापर करु शकता. लिप बाममध्ये नैसर्गिक बी व्हॅक्स, ग्लिसरीन, बदाम तेल आणि विटॅमिन ई युक्त ऑइल मिसळलेले असते.

4- नारळाचे तेल आणि लिंबाचा रस

शुद्ध नारळाचे तेल आणि लिंबाचा रस होठांचा रंग साफ ठेवण्यास मदत करते. उन्हात जाण्यापूर्वी होठांवर एसपीएफ-15 युक्त लिप बाम लावावा. यामुळे होठ काळे पडत नाही
5- डाळिंब, लाल द्राक्षांचा रस

डाळिंब, लाल द्राक्ष यांचा रस होठांवर लावल्यास होठांचा काळेपणा दूर होण्यास मदत होते.

6- गुणकारी लिंबू आणि मध

लिंबू आणि मध होठांना लावल्यास फायदा होतो.

7- चहा, कॉफी जास्त घेऊ नका

जास्त चहा आणि कॉफीचे सेवन करु नये. कॉफीमध्ये कोफीन असल्याने होठाचा रंग काळा पडतो. डीहायड्रेशनमुळे देखील होठ कोरडे पडतात त्यामुळे होठ काळे पडण्याची शक्यता असते. त्यामुळे भरपूर पाणी प्यावे.

8- काकडीचा रस लावा

 काकडीचा रस लावा उन्हाळ्यात त्वचा आणि होठांवर काकडीचा रस लावल्याने काळे पडलेल्या होठांचा रंग बदलण्यास मदत होते.

मोबाइल रिंगमुळे गर्भाशयातील बाळाच्या वाढीस धोका........

 मोबाइल रिंगमुळे गर्भाशयातील बाळाच्या वाढीस धोका........

गर्भवती असलेल्या मातांनी सेलफोन वापरताना काळजी घेण्याची गरज आहे कारण या फोनची रिंग वाजते तेव्हा गर्भाशयातील बाळाचे झोपेचे व उठण्याचे चक्र पार बिघडून जाते व नंतर त्याचे वाईट परिणाम होतात, असा धोक्याचा इशारा एका संशोधनात देण्यात आला आहे. साधारण २४ महिला डॉक्टर गर्भार असताना करण्यात आलेल्या प्रयोगानुसार सेलफोनची वारंवार वाजणारी रिंग व बीपचा आवाज याचा परिणाम गर्भावर काय होतो हे तपासण्यात आले.
न्यूयॉर्क सिटी येथील वायकॉफ हाइट्स मेडिकल सेंटर येथे माता व गर्भ वैद्यक विभागाचे संचालक बोरिस पेट्रिकोव्हस्की यांनी सांगितले की, मोबाईलचा गर्भातील बाळावर काय परिणाम होतो याचा अभ्यास करण्याचा आमचा हेतू होता. जर महिला गर्भार असतील व त्यांना सतत मोबाईल फोन येत असतील तर वाजणाऱ्या रिंगमुळे गर्भाशयातील बाळास घातक त्रास होतो. त्याचे झोपण्याचे व जागण्याचे चक्रच बिघडून जाते. रिंगच्या केवळ आवाजामुळेच नाही तर स्पंदनांमुळेही त्याचे झोपेचे चक्र बिघडते.
ज्या निवासी डॉक्टरांवर हे प्रयोग करण्यात आले त्यांच्यात तर खूप वाईट परिणाम दिसले. काहींचे वेळेआधीच बाळंतपण झाले तर काहींचा रक्तदाबाचा त्रास वाढला, काही मुलांचे वजन जन्मत: कमी निघाले. असे असले तरी मोबाईलच्या आवाजामुळेच हे सगळे परिणाम होत असावेत याची अजून खातरजमा करण्यात आली नाही.
रहिवासी महिला डॉक्टर नेहमी फोन बाळगत असतात व बराच काळ तो अगदी जवळ ठेवलेला असतो. एक मात्र खरे की मोबाईलच्या रिंग सतत वाजत राहिल्या तर गर्भाचे वर्तन बिघडते. त्यात व्यत्यय निर्माण होतो. एकूण २८ बालरोगतज्ज्ञ व स्त्रीरोगतज्ज्ञ महिलांचा गर्भारपणात अभ्यास करण्यात आला त्यात मोबाईल फोन गर्भाच्या डोक्याजवळ ठेवण्यात आला होता व साधारण पाच मिनिटांनी िरग देण्यात आली. नंतर या महिलांची अल्ट्रासाउंड तपासणी करण्यात आली. सर्व गर्भ २७ ते ४१ आठवडय़ांचे होते. त्यांच्यात डोके वळणे, तोंड उघडे राहणे, थरथरणे असे परिणाम दिसले, जेव्हा दर दहा मिनिटाला रिंग देण्यात आली तेव्हा गर्भावर वाईट परिणाम दिसून आले, असे हेल्थ डे च्या बातमीत म्हटले आहे.
संशोधकांच्या मते काही गर्भाना नंतर त्या आवाजाची सवय होऊन जाते. जेव्हा फोनची रिंग सतत दहा मिनिटे वाजते तेव्हा गर्भ थरथरण्याचे प्रमाण कमी होते, त्यात ३६ आठवडय़ांच्या ६० टक्के गर्भाचा समावेश होता. मोबाईल जवळ ठेवला व त्याची रिंग वाजत राहिली तर त्यामुळे गर्भाचे नेहमीचे वर्तन मात्र बिघडते यात शंका नाही.

फ्रीजमधील वजन वाढवणारे पदार्थ खाणे टाळा

फ्रीजमधील वजन वाढवणारे पदार्थ खाणे टाळा

तुमच्या फ्रिजमध्ये अनेक असे पदार्थ असतात, ते खाल्ल्याने वजन वाढत असते. व्यायामाबरोबरच फ्रिज स्वच्छ केले पाहिजे. कारण आपल्याला टोन्ड बॉडी मिळू शकेल. खाली अशाच चरबी वाढवणाऱ्या अन्नपदार्थांची माहिती देण्यात आली आहे.  रेडी टू मेक फूड

पाकीटउघडल्याने लवकर बनणारे रेडी टू इट फूडमध्ये भरपूर प्रमाणात चरबी असते. हे पदार्थ बनवायला कमी वेळ लागत असेल, पण या पदार्थांमुळे वजन लवकर वाढते. हे पदार्थही फ्रिजच्या बाहेर काढा.

मारगराईन (कृत्रिम लोणी ) अनेकलोक लोण्याच्या जागी मारगराईनचा वापर करतात. ते वापरायला नको. कारण हा पदार्थ लोण्यासारखा स्वादिष्ट नाही, आरोग्यासाठीही चांगला नाही. त्यापेक्षा लोणीच चांगला पर्याय आहे. मात्र, लोणी कमी प्रमाणात घ्यावे.

ब्रेड रोल्स

 ब्रेड रोल्स

साहित्य: स्लाईस ब्रेड, उकडलेले बटाटे, मीठ,हिरव्या मिरच्या, कोथिंबीर थोडे आले,

कृती : ब्रेडच्या कड्या कापून घ्या. ऊकड्लेले बटाटे सोलून घ्या. नंतर किसणीवर किसा. त्यात वाटलेल्या मिरच्या, आले व मीठ घालावे. थोडी कोथिंबीर घालून सारण तयार करावे. उथळ पातेलीत पाणी घेवून त्यात एकेक स्लाईस टाकाव्यात. नंतर दोन्ही हाताच्या तळव्याने दाबून पाणी काढून टाकावे. त्यावर सारण घालून गुंडाळी करावी. कडा बंद कराव्यात. ब्रेड ओला झाल्यामुळे छान गुंडाळी होते. नंतर तव्यात तूप टाकून त्यात हे रोल्स तळून काढावेत. छान कुरकुरीत होतात.

हे गरमागरम रोल्स सॉस/चिंचचटणी  सोबत सर्व्ह करावेत.

स्ट्रेच मार्क्‍स कमी होण्यासाठी उपाय !

  स्ट्रेच मार्क्‍स कमी होण्यासाठी  उपाय !

गर्भाचा आकार जसजसा वाढत जातो, तसतसा पोटाच्या त्वचेवर ताण यायला लागतो. परिणामतः त्वचेवर स्ट्रेच मार्क्‍स दिसायला सुरवात होते. बरोबरच त्वचा कोरडी पडून खाजही येते; मात्र खाजवण्याने या स्ट्रेच मार्क्‍सचे प्रमाण वाढण्याची शक्‍यता असल्याने खाज सुटली तरी त्वचेला नखे लागणार नाहीत अशी काळजी घ्यावी लागते. खाज अगदीच सहन होत नसेल, तर मऊ सुती वस्त्राने चोळता येते. त्वचेचा कोरडेपणा कमी करायला, तसेच स्ट्रेच मार्क्‍स आटोक्‍यात ठेवायला शक्‍यतो तिसऱ्या महिन्यापासूनच वर्ण्य औषधांनी सिद्ध तेल उदा. "संतुलन रोझ ब्यूटी तेल' पोट, मांड्या व नितंब या भागांवर हलक्‍या हाताने जिरवावे. यातच "सॅन मसाज पावडर' टाकून चोळल्यानेही खाज कमी होते आणि त्वचेची शिथिलताही कमी होते. सहाव्या महिन्यानंतर दिवसातून दोन-तीन वेळासुद्धा असे तेल जिरवणे चांगले. तसेच  स्ट्रेच मार्क्‍स कमीत कमी होण्यासाठी काही  पुढील उपाय सुचवला आहे,

* एरंडेल तेल आणि कोको बटर यांचं मिश्रण तयार करून स्ट्रेच मार्क असलेल्या भागावर मसाज करा. यामुळे त्वचेला ओलावा मिळून मार्क कमी व्हायला मदत होईल.

* स्ट्रेच मार्क्सवर कोरफडीचा गर लावा. 10 मिनिटे हळुवार मसाज केल्यावर त्याला वाळू द्या. साधारण 5 ते 7 मिनिटांनंतर धुऊन टाका.

* अ आणि इ जीवास्तवाच्या कॅप्सुल्स फोडून त्यातलं औषध एकत्र करा. मार्क्सवर हे लावा. त्वचेच्या आत मुरेपर्यंत मसाज करत राहा.

* बदामाचं तेल, गव्हांकूर आणि अर्गन ऑइल याचं मिश्रण तयार करा. गरोदरपणात दिवसातून दोन वेळा याने पोटावर हळुवार मसाज करा. याने स्ट्रेच मार्क्स पडणार नाही.

* इंस्टंट मार्क्स लपवायचे असतील तर बॉडी फाउंडेशन, ब्रोंझर किंवा कन्सिलर स्ट्रेच मार्क्सवर लावा.